September 18, 2021

गणेशलामाको रिहाई माग गर्दै उर्लियो गण्डकी काङ्ग्रेस।-सडक तताउने कडा चेतावनी ।

पोखरा । नेपाली कांग्रेस कास्कीका सभापति कृष्ण केसीले राजनीतिक प्रतिशोध साँधेर प्रहरीले नेता गणेश लामालाई पक्राउ गरेको आरोप लगाएका छन् । सभापति केसीले लामालाई विना शर्त तत्काल रिहाइ नगरिए शुक्रबारदेखि कांग्रेसले पोखरामा निषेधाज्ञा उल्लंघन गरेर कम्युनिष्ट सरकारको ज्यादति विरुद्ध सडक तताउने चेतावनी दिए ।

गण्डकी प्रदेश प्रहरी प्रमुख डीआईजी घनश्याम अर्याललाई एमालेका नेता एवं नवनियुक्त गृहमन्त्री खगराज अधिकारी र मुख्यमन्त्री पृथ्वीसुब्बा गुरुङको दवावमा कांग्रेस नेता लामालाई पक्राउ गरेको कांग्रेसले आरोप लगाएको छ ।

‘एमालेको भक्तिभाव र निर्देशन मानेर कांग्रेसका नेता कार्यकर्तालाई दुःख दिने कास्कीका प्रमुख जिल्ला अधिकारी, प्रहरी प्रमुख र बैदाम प्रहरीका प्रमुख डीएसपी, गण्डकी प्रदेशका प्रहरी प्रमुखको हिसाब किताब राखेका छौँ । कांग्रेसले उचित समयमा उचित दण्ड दिनेछ ।’

बिहीबार अपरान्ह ४ बजे पोखराको लेकसाइडबाट कांग्रेस नेता लामासहित नेताहरू चन्द्र लामा र रमेश खड्कालाई प्रहरीले पक्राउ गरेको थियो । यस विषयमा प्रहरीले खासै केही बताएको छैन । 

लकडाउनका बेला पोखरा किन आएको हो भनेर सोधपुछ गर्न लामासहित तीन जनालाई पक्राउ गरिएको प्रहरीले जनाएको छ । उनीहरु तीनै जना बैदाम प्रहरीको हिरासतमा छन् ।

Source : hamrakura

Leave a Reply

Your email address will not be published. Required fields are marked *